எரியும் காதலும் உருகும் மெழுகும்!

எரியாத திரியாய்
திரிந்த என்னை
காதல்தீ ஏற்றித்தான்
உயிரின்திரியை எரித்தாயே!

காதல் வெப்பத்தில்
உருகி உருகி
உருமாறி நின்றாலும்
அழியாத மெழுகாய்
உன் நினைவு!

நான் மெழுகுவர்த்தி
உருகிப்போனேன்
ஒரு மெழுகுசிலையை
நேரில் பார்த்ததால்!

மெழுகை உருக்கிய மெழுகே
காதல்தீ ஏற்றியதுன் அழகே!

எரிதலுக்கு காற்று தேவை
அறிவியல் சொல்கிறது
உனக்காகத்தான் எரிகிறேன்
மூச்சுகாற்றை எனக்காகவிடு!

மென்மையான மேனி காதல்
வெப்பத்தை தாங்கதென்று
காதல் உஷ்ணம்
தாங்காதோ உன் மேனி
திரி அணைந்து புகைபரவும்போது
திரும்பி வந்தாயே!

மெழுகை உருக்கிய மெழுகு நீ

காதல்தீ ஏற்றிய அழகே நீ!