அறிவை வளர்க்கும் ஆயுதமாய்
என்னை போலே யாருண்டு!
படக்கதை கட்டுரை நாவல் என
என்னில் பலவகை நூலுண்டு!
அடிப்படை அறிவை வளர்த்திடவே
தினமும் பாடப்புத்தகம் படித்திடுவோம்!
அறிவால் உலகை ஆய்ந்திடவே
அனைத்து நூலையும் படித்திடுவோம்!
பள்ளி செல்லும் வழக்கம்போல்
நூலகம் செல்லப் பழகிடுவோம்!
அடிக்கடி புத்தகம் படித்தேநாம்
அறிவு விதையை தூவிடுவோம்!
சிறந்த நாளில் பரிசாக
உடையும் பொம்மைகள் வேண்டாமே!
வாழ்வில் சிறந்து விளங்கிடவே
அழியா நூலைத் தாருங்களேன்!
