சகோதர தினம்!

மணிக்கட்டில் கயிறுகட்டி ஒரு
மணியான தத்துவத்தை
மலரவைத்த மங்கையரே!

காதலென்று முட்டும் காளையர்க்கு
கன்னியர் இன்று கட்டுவது
மூக்கணாங்கயிறல்லவோ!
காதல் சொல்ல நேரமொன்று
வருமா என்று ஒருதலை தலையாய்
காதல் கொண்ட ஆணுக்கெல்லாம்
கதிகலக்கும் நாளல்லவோ!

சகமனுசியாய் பார்த்த பெண்ணை
சகோதரியாய் பார்ப்போமே!
முப்பத்மூனு சதம் எதுக்கு
முழுசாய் சமமென்று சொல்வோமே!

தாய் தங்கை அக்காளென்று
தனியாய் பாசம் கொண்டோமே!
எல்லாப் பெண்ணும் சமம்தானென்று

தேசம் கடந்த நேசத்தை வளர்ப்போமே!