கனிந்தது வாழ்வும் - காதலும்!

முதுமையில் காதல் என்பது
அதிகமாகுமோ?
தோலின் சுருக்கங்கள் போல!
------- --------- -------
உதிர்ந்தது இளமை மட்டும்தான்
உணர்வுகள் அல்ல!
-------- ---- -----
கடந்தது காலம் மட்டும்தான்
கனிந்தஅன்பை அல்ல!
-------- ---- -----
தளர்ந்தது வயது மட்டும்தான்
காதல் அல்ல!
-------- ---- -----
இழந்தது உறவுகளை மட்டும்தான்
உன்னை அல்ல!
-------- ---- -----
பொக்கைவாய் வழியே காதல்
பொத்துக்கொண்டு வருதோ?
------ ------ ----
கன்னத்தின் குழி மறைந்து
கன்னமே குழியான பின்பு
கனிவாய் ஒரு முத்தமிட்டாயே
காதலியே! காதல் கிளவியே!
------ ------ --------